الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول</a><hr>

شاطر | 
 

 نكت ...................................ههههههههههههههه ههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملاك

avatar

انثى
عدد الرسائل : 101
العمر : 32
المزاج : رايق
نشاط العضو :
15 / 10015 / 100

احترامك لقوانين المنتدى : 0
مزاجي : 0
تاريخ التسجيل : 01/01/2008

مُساهمةموضوع: نكت ...................................ههههههههههههههه ههههه   الثلاثاء يناير 01, 2008 1:32 pm

:.:.:.:.:


بيسألو دكتورة أسنان أنتى أتجوزتى قالتلهم لثة


دكتور أسنان كان مصاحب شلة وخلع منهم


دكتور أسنان أشترى عود قصب لقاه مسوس حشاه ومصه


دكتورة أسنان راحت ترفع قضية خلع على جوزها الدكتور قالها نخلعه قالتله لأ

لخلخه لما نشوف ايه الى حيحصل

دكتور راح يتجوز حماته سالته بتشتغل ايه قالها دكتور أطفال قالتله مكملتش ليه يبنى


دكتور أطفال اتجوز دكتورة أطفال نزلوا خبر جوازهم فى مجلة ميكى


مرة واحد بلديتنا ابنه دخل يكشف عند الدكتور الدكتور قاله البقية فى حياتك

أبوه قاله أتنيل على عينك أنت حتعرف أكتر من الدكتور


مرة واحد راح يعمل عملية الدكتور قاله فوت علية بكرة نسيت المقص فى بطنك

تانى يوم طلع المقص وقاله فوت علية بكرة نسيت المشرط معلش

جاله تانى يوم قاله نسيت الممرضة { هوة دة الى ناقص } قاله بقولك ايه يا دكتور

متعملهالى بسوستة


مرة واحد راح للدكتور قاله عندى صداع مش منيمنى قاله أنت بتسيب الشبابك مفتوح ولا

مقفول قاله لا مقفول قاله افتحه وفوت علية بكرة ........ تانى يوم قاله الصداع راح قاله :

الصداع راح والتلاجة راحت والبوتاجاز راح والتليفيزون راح


مرة واحد بلديتنا دخل عند الدكتور قاله إعمل إشاعة نزل الشارع يقول : الهرم وقع الهرم وقع

قاله إشاعة فى العمارة الى وراية اراح والبواب قاله اركب الاصانصير ركب لقى مراية

قال بس هية دى الإشاعة قلع هدومه .....الأصانصير طلع الدور التاسع .... الناس الى مستنية

الأصانصير واقفة تصوت قالهم ايه حموت




:..:.:.:الأطفال:.:.:.:.:


مرة طفل صغير واقف على السلم وحد كبير طلع قاله عايز حاجة يا حبيبى

قاله أضربلى الجرس ....... ضربله الجرس ..... قاله : عايز حاجة تانية ........ قاله يلى نجرى


ولد صغير بيقول لأمه أنتى عمالة تضربينى ليه كدة هو أنا بابا


مرة عيل بيقول لجارته لو سمحتى يا طنط عايز أشوفك لسانك قالتله ليه قالها ماما بتقول لسانك

عامل زى العقربة



:.:.:.:.:المدرسين :.:.:.:.:


مدرس إنجليزى دخل الفصل قوم بلدياتنا ....... بتعرف تكلم إنجليزى .... ايوة يا بيه بعرف أتكلم

إنجليزى ...... قاله ولد بالإنجليزى يعنى ايه ..... قاله يعنى بوى ........ قاله دخلها فى جملة

قاله واه يابوى


مدرس كيمياء خلف ولد سماه سامى أكسيد الكربون


مدرس تاريخ دخل عليه الموجه .....قيام .....جلوس .......الموجه : قوم يبنى مين الى قتل كليبر

قاله أنا مليش دعوة بالموضوع ده ....... الى جنبه : مين الى قتل كليبر ....... قاله أنت عايز

تدبسها فية ..... قاله أعد الى وراه ..... مين الى قتل كليبر ....... قاله دلوقتى الأستاذ بيدرسلنا

بقاله 3 سنسن عمرك عرفت عنى حاجة كدة ولا كدة ......... الموجه زعل وخرج ..... المدرس

جرى ..... سيادتك متأكد إن الى قتل كليبر فى 3/1


مرة مدرس ماشى فى ا لصحرا لقى واحد عمال يعمل ( عمعم) كأنه راكب موتوسيكل

راح للبعديه لقاه بيعمل كدة برده ....... مشى شوية لقى واحد تالت قاله كويس إنى

شوفتك ده فى 2 ورا عمالين يعملوا ( عمعم ) قاله هما جايين وراية ( عمعم)





:.:.:.:.:أبو العربى:.:.:.:.:.:


أبو العربى:مرة كتبت على ورقة طعم وحطيتها فى الصنارة ورميتها فى الامية بعد ربع ساعة لقيت

ورقة مكتوب عليها سمكة


أبو العربى رايح اليابان شاف واحد ماسك ايده عمال يتكتك عليها قاله ايه بتعمل ايه

قاله بتكلم فى الموبايل ..... قاله إزاى قاله غحنا بنتولد إيدنا موبايل قاله قشطة عليك

جاب ورقها وراح جاى بلعها اليابانى قاله بتعمل ايه قاله مفيش ببعت فاكس


أبو العربى مسافر إنجلترا قالوله أنت بتعرف تكلم إنجليزى قالوله إنجليزى ايه سيبها على الله

بعد مسافر مشى فى شارع فى إنجلترا لقى فرح كبير قال لواحد إنجليزى هوة ده فرح مين ؟؟؟

قاله i don't know قاله ربنا يتمم بخير .....تانى يوم فى نفس الشارع لقى ميتم كبير

قال لنفس الراجل مين الى مات قاله i don't know قاله لاحول ولا قوة إلا بالله ده كان لسة

فرحه إنبارح


أبو العربى عمل حادثة بعربيته موت 50 واحد الظابط بيحقق قاله موت 50 واحد إزاى

قاله لقيت واحد 2 على اليمين وفرح على الشمال قاله ادخل فى مين

قاله خش فى ال 2....... قاله دخلت موته الاتنى طلع يجرى على الفرح مسبتوش

ورااااه


أبو العربى عنده واحد صاحبه فى اليابان سمع إنه تعبان راح يزوره فى المستشفى اليابانى قاله

(يوكامه ) قاله (يوكامة) مين مش تقوم بالسلامة كدة ....... اليابانى قاله ( يوكامة ).....

قاله بلا (يوكامة) بلا بتاع خف وقوم بالسلامة ..... يقوله ( يوكامه ) يقوله محدش حيربيها

إلا انت .... (يوكامه) قاله متفولش بس ........ قاله( يوكامه ) ...... قاله صحتك صحتك

اليابانى مات ......... قال للدكتور لما جه الله يرحمه آخر حاجة كان بيوصينى عليها (يوكامه)

قاله إنت عارف يعنى ايه ....... قاله مش بنته ؟؟؟؟!!!!!! ....... قاله بنته ايه ....... دة بيقولك

هات خرطوم الأكسجين


واحد راح لأبو العربى بيقوله عندى نمل كتير قاله بسيطة ....... أنت جيت فى جمل ..... قاله جيت

فى تاكس ....... قاله إحنا حنهرج ..... أنت تجيب 10 جرام سكر ....... 10 جرام نشوء .......

....... حتة رخامة ........ وتحتهم على الأرض ....... النمل يتلم على السكر ..... يشم النشوء

يعطس يرجع لورا يتخبط فى الرخامة يموت



أبو العربى ده طيب ومبيعرفش يفشر



:.:.:.:.:.:منوعات:.:.:.:.:.:




واحد راكب عربيته .... لقى يفطة مكتوب عليها خفف 70 كيلو ....... قالك ألتزم بإشارات ا

لمرور .....مشى على سرعة 70 كيلو ....... لقى يفطة مكتوب عليها .......خفف 35 كيلو .......

مشى على سرعة 35 كيلو ......... مشى لقى يافطة مكتوب عليها خفف 15 كيلو ........

مشى على سرعة 15 كيلو ........ لقى يافتة مكتوب عليها ....... مرحبا بكم فى خفف ...



واحد بيقول لعمه لو قلتلى ايه الى فى القفص ده حديك منه منجايتين ........ قاله جوافة

8:24






أتمنى الموضوع يكون عجبكم ........


كفاية كدة أنهاردة أكملكم المرة الجاية ........ لما أشوف تفاعل وردود حلوة كدة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت ...................................ههههههههههههههه ههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الترفيهية :: منتدى الترفيه والتسلية-
انتقل الى: