الرئيسيةاليوميةمكتبة الصورس .و .جبحـثالتسجيلالأعضاءالمجموعاتدخول</a><hr>

شاطر | 
 

 شروط التسجيل في احد المنتديات تموت من الضحك؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملاك

avatar

انثى
عدد الرسائل : 101
العمر : 32
المزاج : رايق
نشاط العضو :
15 / 10015 / 100

احترامك لقوانين المنتدى : 0
مزاجي : 0
تاريخ التسجيل : 01/01/2008

مُساهمةموضوع: شروط التسجيل في احد المنتديات تموت من الضحك؟؟؟   الثلاثاء يناير 22, 2008 3:12 pm

هذى الشروط من المشرف العام لأحد المواقع المشهورة فنيا"( بدون ذكر اسماء)
بعد ان جائته حالة من الطفش والزهق من كثر مشاكل الأعضاء والموقع
ومن كثر أعجابي به اردت ان تشاركونى هذة البسمة فاقرؤو ماذا قال:::

~~~~~~~~~~~~~~~~

لقد تغيرت شروط التسجيل في المنتدى ....وتم تغيير مسمى المنتديات
لتواكب مرحلة ما بعد الحرب الباردة :

اعرفوا الشروط زين....وافهموها....و اللي ما يبي هالشروط جعل اصبيعاته
اللي طقت على الكيبورد اللكسر...ولو ما عليه كلافه يطق راسه باقرب جدار....
حنا ما نلعب....واللي يبينا حياه الله بيننا....فهمتوا ياالطووط

بما ان هذا الموقع موقعي بلحالي لابارك الله فيكم ولا في الساعة اللي فتحت لكم هالموقع....
فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الهايلكوس
وبنروح ونطعس فيه باقرب طعس ... مو انا قايل لكم احنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود
وخلهم يذبون براحتهم.....واللي بيقلبها سب...عز الله ان امه داعيه عليه...
لاني ابحتريه وقت صلاة الفجر بالعجرا وابشخمط وجه وابخليه يغني اغنية...
خروفي خروفي لابس بدله صوفي...له عينين واربع رجلين...
من كثر ما امحطه بالعجرا..... مو انا قايل لكم احنا ما نلعب..

3- اللي بيخربط بالدين ولا بالسياسه....هذا عذابه عذاب
ابخليه يتخيل انه قرد ولا عمره ذاق موز....وابحجز له على
اقرب رحله على طياره ترش الجراد وارميه من على ارتفاع 50000 الف قدم
على زجاج مكسر ...علشان ما يتعودها مره ثانية مو انا قايل لكم احنا ما نلعب

4- انتم يا اعضاء لكم تكتبون بس....ولااحد فيكم يسوي لي فيه مراقب مانبي مراقبين.....
فهمتوا ولا افهمكم...

5- الساحه الرياضيه لكم ثنتين...واللي ماهو نصراوي لايوطوط فيذاك ....لا امردغه
على جبهته
ساحة ابو جدي وانا حر فيها ولا عندنا ديمقراطيه....
ولا عمرنا سمعنا فيها وهي وشهي...هي الديمقراطيه حاجه تنوكل <<<ما قلنا تنشرب

.7- ياويلك ويا سواد ليلك لو تعطي احد كلمة الضروس....
الا عندي سوال ليه سموها كلمة سر...ليه ما سموها كلمة خشم ولا ضرس
ولا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...ولا اسماء مخله بالادب....
هذا بنوديه لا اقرب مغسله سيارات ونربطه في المروحه ويقعد يدور فيها الين يقول اسم امه...وبعدين بناخذه لا اقرب بحر...
وبنغطسه وبنطلعه...ونغطسه ونطلعه الين ما يصير سمكه....
ان التفحيط ما هو بالشطاره ولا بالمصاله.....
التفحيط فن يا هوووووه واشر لي بالمنديل يا هووووه قال انا ماشي....
اقول لا تكثر بربستكم يا هوووه....وش هالمسكه الغلط.....مو انا قايلكم ما نلعب...

9- قريتوا الشروط........هاه عجبتكم....فهمتوها... طيب ما عندنا تسجيل هالايام....
واللي يبي يسجل معنا يرسل لي ايميل على التلفون حقي اللي ماني ذاكره لكم...
لان الدعوه عناد...واللي براسه حب ما انطحن....تراي ابطحنه له....
واذا فيه خير يقابلني وين ما بغى عند الصمان ولا ديراب ولا بالشرقيه ولا باي محل....

10- كلنا عيال قريه وكلن يعرف خيه...

11- مو انا قايل لكم احنا ما نلعب

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم. ...المنتدى الرياضي سابقا

* منتدى ياهلال ياهلال كخ كخ....منتدى الهلاليين سابقا

* منتدى كن صديقي.....منتدى المواضيع المتميزه

*منتدى الواد قلبه بيوجعه......منتدى الخواطر

*منتدى سلملي عليه....... منتدىالترحيب والتهاني

بالنسبه للبريد ان شاء الله في السنه الجايه زي هالحزه ما حنا حاطينه
كركركركركركركركركر >>> يا شين الضحكه....ماعندنا

بالنسبه للمحادثات....اذا ودكم نسوي لنا طلعة بر على الطبيعه ازين...

ملاحظه......

اللي بنكتشف انه رجال بشنبه ويدخل بأسامي بنات...
ولا بنات تدخل بأسامي رجال هذولي بنخلي خششهم كلمات
متقاطعه يصعب حلها.....والله ما يضرب بعصا يا سرع طيحتهم - -


أختـــــارووووو وبسرعه وبدون تفكير

( مـــوافق )

( غير موافق)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شروط التسجيل في احد المنتديات تموت من الضحك؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتديات الترفيهية :: منتدى الترفيه والتسلية-
انتقل الى: